SILUETAS SAUDABLES

O mércores 13 de decembro os alumnos de infantil elaboraron mural diferente e do máis saudable! Primeiro debuxamos e recortamos todas as nosas siluetas para pegalas nunha divertida parede do noso corredor, e deseguido volvemos coller a tesoira e recortamos un montón de alimentos de todos os tipos e para todos os gustos.

Aquí chega a difícil decisión: escoller entre todas esta "despensa" con cales queremos encher o noso "bandullo", sempre mirando ben cales son os alimentos máis importantes e sans e cales podemos consumir máis ou menos a miúdo.

Dende logo os nosos alumnos teñen uns gustos do máis san e variado!

Se queredes ver a galería das nosas siluetas saudables, premede aquí.

GAÑAMOS PREMIOS!

O venres 1 de decembro recibimos con gran alegría os diplomas dos nosos alumnos premiados no concurso de debuxo "Turismo Sostenible para el Desarrollo" da Deputación de Pontevedra. Os nosos artistas expresaron nas súas obras a súa experiencia persoal inmersa no saudable modo de vida do rural ourensán. 

Unha granxa onde os animais son criados no campo e alimentados naturalmente ou o tradicional muíño fluvial para moer o gran da nosa terra e facer pan artesán reflicten un estilo de vida que merece ser coñecido promovendo un turismo de calidade, onde aos encantos da paisaxe do Xurés unimos os produtos de inmellorable calidade que nos achega a horta e a gandería desta comarca.