Como cada primavera, o veciño concello de Bande celebra a Festa do Peixe, evento de Interese Turístico de Galicia que xa vai pola súa XLVII edición. Para achegar a festa aos máis pequenos, a organización convoca un concurso de debuxo escolar, "O Peixiño", no que participamos todos os colexios da comarca da Baixa Limia.
Pareceunos unha ocasión perfecta para traballar na aula de infantil cos alimentos que proveñen dos nosos ríos e mares, tan importantes na nosa gastronomía e cultura, e que ás veces son un pouco descoñecidos ou pouco atractivos para os máis cativos. Nesta tarefa identificamos diversos produtos, poñemos en común as nosas experiencias e gustos, e falamos un pouquiño das propiedades e beneficios de consumir estes manxares acuáticos.
Este ano O Peixiño foi do máis saudable!
